பொந்தியான் தீயணைப்பு மற்றும் மீட்பு துறையினருக்கு மதியம் 12.02 மணிக்கு அவசர அழைப்பு வந்தது. இதையடுத்து 17 பேர் கொண்ட மீட்பு அணி, அலுமினிய படகு, இரண்டு நான்கு சக்கர வாகனங்கள் மற்றும் குளுவாங் நீர்மூழ்கி மீட்பு பிரிவின் உதவியுடன் தேடுதல் பணி தொடங்கப்பட்டது.

சுமார் மூன்று மணி நேர தேடுதலுக்குப் பின், மதியம் 3.25 மணிக்கு துறைமுகத்திலிருந்து 10 மீட்டர் தூரத்தில் மிதந்து கொண்டிருந்த நிலையில் உடல் கண்டுபிடிக்கப்பட்டது.

உடல், நண்பர்களின் உதவியுடன் மீட்பு குழுவினரால் கரைக்கு கொண்டு வரப்பட்டு பின்னர் போலீசாரிடம் ஒப்படைக்கப்பட்டது.

அந்த நபர் எவ்வாறு கடலில் விழுந்தார் என்பதற்கான காரணம் இதுவரை தெளிவாகவில்லை. போலீசார் விசாரணை மேற்கொண்டு வருகின்றனர்.