பட்டேலுக்கு எதிரான சந்தேகங்கள்
இந்த வழக்கின் கையாளல் குறித்து சில குடியரசுக் கட்சி வட்டாரங்களில் அதிருப்தி எழுந்திருந்தது. குறிப்பாக, “சந்தேக நபர் கைது செய்யப்பட்டார்” எனத் தனது சமூக வலைதளத்தில் தெரிவித்த பின்னர் அந்தக் கருத்தை திரும்பப்பெற்றதால் பட்டேல் மீது விமர்சனங்கள் அதிகரித்தன. சட்டத்துறை அமைச்சர் பாம் பாண்டி உட்பட பிற அரசு அமைப்புகளிலிருந்தும் இவரது நடவடிக்கைகள் குறித்த கேள்விகள் எழுந்ததாக ஃபாக்ஸ் நியூஸ் தெரிவித்தது.

குடியரசுக் கட்சியினரின் உள்நோக்கு
கன்சர்வேட்டிவ் செயற்பாட்டாளர் கிறிஸ்டோபர் ரூஃபோ, “பட்டேல் எஃப்ஐபிஐயை வழிநடத்த சரியான நபரா என்பதை குடியரசுக்காரர்கள் மதிப்பீடு செய்ய வேண்டும்” என்றார். இதேசமயம், விமர்சனங்கள் தொடர்ந்து இருந்தபோதும், ட்ரம்ப் தனது நம்பிக்கையை வெளிப்படையாகத் தெரிவித்தார். “அவர் மிகச் சிறப்பாகப் பணியாற்றியுள்ளார்” என்று ஃபாக்ஸ் நியூஸிடம் கூறினார்.

ட்ரம்ப்–பட்டேல் உறவு
பெட்மின்ஸ்டர் கிளப்பில் நடைபெற்ற இவர்களின் நேரடிச் சந்திப்பு பல மணி நேரம் நீடித்தது. காப் விளையாடிய போதும் இருவரும் நீண்ட உரையாடலில் ஈடுபட்டதாக தகவல்கள் கூறுகின்றன. “சந்திப்பு மிகச் சிறப்பாக நடந்தது” என அங்கிருந்த வட்டாரங்கள் உறுதிப்படுத்தின.

வெள்ளை மாளிகை விளக்கம்
வெள்ளை மாளிகை தொடர்பாடல் இயக்குநர் ஸ்டீவன் சியாங், “சார்லி கிற்குடன் அவருக்கு இருந்த நெருங்கிய நட்பை நினைத்தாலே போதும். பட்டேலின் அர்ப்பணிப்பை சந்தேகிப்பவர்கள் அரசியல் விளையாட்டுக்காக இந்த துயர சம்பவத்தைப் பயன்படுத்துகின்றனர்” என்று கூறினார்.