அரசு மற்றும் சமூக ஒத்துழைப்புடன் உருவாக்கப்பட்டது

இந்தத் திட்டம் பெண்கள், குடும்பம் மற்றும் சமூக மேம்பாட்டு அமைச்சகம் தலைமையில், பாதுகாப்பு அமைச்சகம் மற்றும் வெளியுறவு அமைச்சகம் உள்ளிட்ட பல்வேறு அமைச்சகங்கள், அமைப்புகள் இணைந்து உருவாக்கியதாக பதில்லா தெரிவித்தார்.

சர்வதேசக் கோரிக்கைகளுக்கு பதிலளிப்பு

இந்த செயல் திட்டம் தேசிய பெண்கள் கொள்கை 2025–2030 உடன் இணைந்து செயல்படும். மேலும், பெண்கள் மீதான எல்லா விதமான பாகுபாட்டை நீக்கும் குழு (CEDAW) உள்ளிட்ட சர்வதேச அரங்குகளில் வைக்கப்பட்ட கோரிக்கைகளுக்கு பதிலளிக்கும் வகையில் பெண்களின் பங்கு, தேவைகள் மீது சிறப்பு கவனம் செலுத்துகிறது.

பெண்களின் பங்கு – நிலையான சமாதானத்தின் அடித்தளம்

பதில்லா, “மனித குலத்தின் பாதியை வெளியே விட்டு வைத்தால் உண்மையான சமாதானத்தை அடைய முடியாது” எனக் கூறினார். பெண்களின் பங்கை துணை அம்சமாக அல்லாமல், சமாதானத்திற்கான நம்பிக்கை, ஒத்துழைப்பு மற்றும் நிலைத்தன்மைக்கு அடித்தளமாகக் கருத வேண்டும் என்றார்.

அவர் மேற்கோள் காட்டிய ஐ.நா. மகளிர் ஆய்வு படி, பெண்கள் பங்கேற்கும் சமாதான ஒப்பந்தங்கள் குறைந்தது 15 ஆண்டுகள் நிலைத்திருக்கும் வாய்ப்பு 35% அதிகம் என்பதையும் நினைவூட்டினார்.

புதிய சவால்கள் – உள்ளடக்கிய அணுகுமுறை தேவை

வன்முறை தீவிரவாதம், காலநிலை மாற்றம், இணையதள வன்முறை (cyberbullying) போன்ற புதிய அச்சுறுத்தல்களை எதிர்கொள்ள சமூகம் முழுவதும் இணைந்து செயல்படும் புதிய யோசனைகள் அவசியம் என பதில்லா வலியுறுத்தினார்.

மலேசியாவின் ஆசியான் தலைமைத்துவம்

2025 ஆம் ஆண்டுக்கான மலேசியாவின் ஆசியான் தலைமை உயிரங்கம் – “ஒருங்கிணைந்த மற்றும் நிலையான ஆசியான் சமூகத்திற்காக”. இதில் பெண்களின் பங்கு இல்லாமல் எந்தவிதமான நிலைத்தன்மையோ, உள்ளடக்கமோ சாத்தியமில்லை என்று அவர் குறிப்பிட்டார்.

இந்தத் திட்டம், ஆசியான் பிராந்தியத்தின் சமாதான கட்டமைப்புகளை வலுப்படுத்துவதற்கும், பெண்கள், சமாதானம் மற்றும் பாதுகாப்பு (WPS) கருப்பொருளை மையமாக்குவதற்கும் மலேசியா எடுத்துள்ள ஒரு வரலாற்று படியாகக் கருதப்படுகிறது.