39 வயதான கசாண்ட்ரா டி’சில்வா லூயிஸ் மற்றும் அவரது பெற்றோர் – 63 வயதான செலின் கிளாரா லூயிஸ், 66 வயதான லூயிஸ் எல். எட்வர்ட் – ஆகியோர் மீது, 2023 மார்ச் முதல் 2025 ஆகஸ்ட் 21 வரை தாமன் தேசாவில் உள்ள ஒரு இல்லத்தில் நடந்ததாகக் கூறப்படும் சம்பவம் தொடர்பாக குற்றம் சாட்டப்பட்டுள்ளது.

அவர்கள் மீது 2007 ஆம் ஆண்டு ஆட்கடத்தல் தடுப்பு மற்றும் புலம்பெயர்ந்தோர் கடத்தல் தடுப்புச் சட்டம் (சட்டம் 670) பிரிவு 12-ன் கீழ், குற்றவியல் சட்டம் பிரிவு 34-இன் இணைப்புடன் வழக்கு தொடரப்பட்டுள்ளது. குற்றம் நிரூபிக்கப்பட்டால் அதிகபட்சமாக 15 ஆண்டுகள் சிறைத்தண்டனையும் அபராதமும் விதிக்கப்படும்.

நீதிபதி அசுரா அல்வி, மூவருக்கும் தலா RM12,000 ஜாமீன் மற்றும் ஒவ்வொருவருக்கும் ஒரு உத்தரவாதியை வழங்க வேண்டும் என்று உத்தரவிட்டார். மேலும், அருகிலுள்ள காவல் நிலையத்தில் ஆஜராக வேண்டும் என்றும், வழக்கு அக்டோபர் 6 ஆம் தேதி விசாரணைக்கு எடுத்துக்கொள்ளப்படும் என்றும் அறிவித்தார்.

வழக்கில் அரசு தரப்புக்காக துணை அரசு வழக்கறிஞர் முகமது ஹபிபுல்லா முகமது ஷா ஆஜராக, குற்றம் சாட்டப்பட்டவர்களுக்கு வழக்கறிஞர் பி.என். நாகராஜன் சார்பாக வாதித்தார். — பெர்னாமா