ஜோகூர் பாரு, ஆகஸ்ட் 28 — லாபகரமான வருமானம் உறுதி செய்யப்படும் எனக் கூறிய போலி பங்கு முதலீட்டு திட்டத்தில் சிக்கி, 45 வயது மருத்துவ அதிகாரி RM2.6 மில்லியனுக்கும் மேல் இழந்தார்.

ஜோகூர் காவல் துறைத் தலைவர் டத்தோ காமருல் ஜமான் மமாத் தெரிவித்ததாவது, மே 25 அன்று சமூக ஊடகங்களில் வெளியான முதலீட்டு விளம்பரத்தால் பாதிக்கப்பட்டவர் ஈர்க்கப்பட்டார். ஒரு வெளிநாட்டு நிறுவனத்தின் மூலம் 5% முதல் 15% வரையிலான லாபம் கிடைக்கும் என அவரிடம் கூறப்பட்டது.

பாதிக்கப்பட்டவர் தனது முதலீட்டை கண்காணிக்க ஒரு செயலியைப் பதிவிறக்கம் செய்தார். பின்னர் மே 25 முதல் ஆகஸ்ட் 8 வரை மொத்தம் RM2,603,900 அளவிலான 56 பணப் பரிமாற்றங்களை எட்டு வங்கி கணக்குகளில் செலுத்தினார்.- படம்- பெர்னாமா

பின்னர் பணத்தைத் திரும்பப் பெற முடியாததால் ஏமாற்றப்பட்டதை உணர்ந்து நேற்று போலீசில் புகார் அளித்தார்.

இந்த வழக்கு, மோசடி குற்றத்திற்கு தொடர்பான தண்டனைச் சட்டம் பிரிவு 420 இன் கீழ் விசாரிக்கப்படுகிறது. பொதுமக்கள் வழக்கத்திற்கு மாறாக அதிக லாபம் அல்லது உறுதியான வருமானம் தரும் முதலீடுகளைத் தவிர்க்க வேண்டும் என காவல்துறை எச்சரித்துள்ளது.