1928 செப்டம்பர் 20 அன்று ராவாங்கில் பிறந்த அவர், 1952 ஜனவரி 2 அன்று ஒப்பந்த ஆய்வாளராக சேவையைத் தொடங்கி, 1966 ஜனவரி 2 அன்று காவல் துறையில் தனது பயணத்தை நிறைவு செய்தார். மொத்தம் 14 ஆண்டுகளாக அவர் போலீஸ் கான்ஸ்டபிள், அமைதி அதிகாரி மற்றும் இன்ஸ்பெக்டர் பதவிகளில் பணியாற்றினார்.

அவரது அர்ப்பணிப்பு, வீரியம் மற்றும் நம்பகத்தன்மையை அன்றைய மலாயா கூட்டமைப்பின் பெசுரோஹ்ஜயா போலீஸ் துறைத் தலைவர் சான்றளித்துள்ளார். 1966 ஜனவரி 13 அன்று வழங்கப்பட்ட சான்றிதழில் “அர்ப்பணிப்புள்ள, வீரியமிக்க மற்றும் நம்பகமான அதிகாரி” எனப் புகழாரம் சூட்டப்பட்டுள்ளது.

அவரது காவல் வாழ்க்கையில் மிக முக்கியமான தருணம் 1956 டிசம்பர் 10 அன்று உலு லங்காட் வனப்பகுதியில் நடந்தது. கம்யூனிஸ்ட் பயங்கரவாதிகளுக்கு எதிராக நடந்த வெற்றிகரமான நடவடிக்கையில் அவர் பங்கு பெற்றதற்காக, மகாராணி அவருக்கு ஜார்ஜ் பதக்கம் (George Medal) வழங்கினார். இதனை உறுதிப்படுத்தும் வகையில் அந்நாளைய கோலாலம்பூர் காவல் ஆணையர் W.L.R. கார்போனெல் 1956 ஜூன் 28 அன்று அனுப்பிய கடிதத்தில், “இந்த தகுதியான விருதுக்கு எனது மனமார்ந்த வாழ்த்துகளை ஏற்றுக்கொள்ளுங்கள்” என குறிப்பிடப்பட்டுள்ளது.

காவல் துறையில் சிறப்பாக பணியாற்றிய பின்னர், இன்ஸ்பெக்டர் சியூ கிம் சுவான் தனது வணிக முயற்சியைத் தொடர்ந்தார். ஆனாலும் அவர் நாட்டுக்காக ஆற்றிய அர்ப்பணிப்பு மற்றும் வீரத்துணிவு என்றும் காவல் துறை வரலாற்றில் அழியாமல் நிற்கும்.-FB