ப. இராமசாமி
தலைவர், உரிமை
செப்டம்பர் 1, 2025

அரசியல் சதி – சமூக பாதிப்பு

மதானி அரசின் தலைவர்கள், குறிப்பாக இந்திய பிரதிநிதிகள், பிரதமர் அன்வார் இப்ராஹிமை புகழ்ந்து பேசுகின்றனர். ஆனால் உண்மையில், இந்தக் குறைப்பு இந்திய சமூகத்தின் வாழ்வாதாரத்தையே பாதிக்கும் தீர்மானமாக மாறியுள்ளது. அரசாங்கத்தின் இந்த முடிவு, “குற்றவாளிகளை விசாரிக்காமல் சமூகத்தையே தண்டிப்பது” என்ற அரசியல் சதியாக பார்க்கப்படுகிறது.

ஏழைகளின் உரிமை புறக்கணிப்பு

தமிழ்ப்பள்ளிகள், எஸ்டேட் தொழிலாளர்கள், குடியிருப்புகள், அடிப்படை வசதிகள்—இவை அனைத்தும் RM40 மில்லியனில் பூர்த்தி செய்ய இயலாத தேவைகள். தொழில் முனைவோர் வர்க்கம் உருவாக வேண்டும் என்ற இலக்கே, இப்போது கைவிடப்பட்டு விட்டது. RM100 மில்லியனே சமூகம் எதிர்பார்த்த தேவைகளுக்குப் போதாது என்ற நிலையில், RM40 மில்லியன் என்பது வெறும் அரசியல் விளையாட்டை மட்டுமே காட்டுகிறது.

சமத்துவம் கோரும் குரல்

ஒவ்வொரு முறையும் இந்திய ஏழைகளின் நிலைமை பற்றி பேசப்படும் போது, அது மலாய் ஏழைகளுடன் ஒப்பிடப்பட்டு அரசியல் முறையில் தவிர்க்கப்படுகிறது. இந்தியர்கள் உதவி கேட்பது மற்ற சமூகங்களுக்கு எதிரானது அல்ல—அவர்கள் கேட்பது நீதி மற்றும் சமத்துவம் மட்டுமே. ஆனால் இந்த அடிப்படை கோரிக்கையே தவறாகப் புரிய வைக்கப்படுகிறது.

தலைமைத்துவ குறைபாடு

இந்தச் சூழ்நிலையில், தொழில் முனைவோர் மற்றும் கூட்டுறவு அபிவிருத்தி துணை அமைச்சர் ஆர். ரமணன், சமூகத்தின் பார்வையில் நம்பகமான தலைவராக இல்லாமல், கண்மூடித்தனமாக அரசை பாராட்டும் கதாபாத்திரமாகவே மாறியுள்ளார். மித்ராவுக்கு ஏன் அதன் முழு ஒதுக்கீடு கிடைக்கவில்லை என்பதை அவர் விளக்க வேண்டியது அரசியல் மற்றும் சமூக பொறுப்பாகும்.